« تجهيزات عرائس ' ليبيا' / الجزء : 37»

يسلمووووووو

نبي نسال علي كريم بي بيbb

دورت عليها مالقيتهاش ممكن تفيدوني

السلام عليكم

جواب مخالفة

بالنسبة للى نعرفه..
هل تتحملى هواء البخار يعنى تقدرى تتنفسى بسهولة وماتجيكش دوخة؟
وردى بالك من كثرة الدعك لانه زى التدليك لانه مضر بالحامل.
والخلطات تأكدى انه ماتضرش الجنين لانها حايمتصها الجسم وبتمر عالدورة الدموية وممكن توصل للجنين.
بالنسبة ليا لو بديرى البخار فى حوشك اوكى ويساعدك زوجك او حد من اهلك اوكى ...بديريه برا ننصحك فوتيه لانه الحامل العيون عليها وانك حاتنكشفى على ناس الله اعلم كيف والسترة فى كل شىء باهية.
ومالاخير استنى لوقت بعد جيابك باش تطلعى بلوك وانتعاش جديد.لان البخارى بلا تكييس قوى مامنه فايدة كبيرة.
ممكن ديرى مية سخونة فى حمامك لين يتبخر وديرى مقشر وبعدين وزعى الخلطة.
وربى يحميك ويجعلك عيلك من قسمك.

السلام عليكم ورحمة الله وبركاته

انا اول مرة اشارك بهذا الموضوع وبصراحه انا مخطوبة وعرسي بعد رمضان ولا عارفه حتى كيف نبدا بالتجهيزات ولا شن اول شئ نشريه وانا اول بنت تنخطب فى البيت يعني ما عنديش خبرة

ساعدوني

حتي أنا كنت هكي زيك والحمد لله استفدت من المنتدي هلبة حبيبتي الاكتار مش ضروري نودي المهم المهم تقيمي العباية وتكون حاجة كويسة يرغان روب حمام ارواب لبس حوش لبس عملي لبس اعزايم لو تبحثي الاخوات مدايرنه في جداول توبي أي حاجة تفضلي أنا في الخدمة

هلا ... الف مبرووووك

حبيبتي يعتمد البتات علي طول فترة الخطوبة
مثلا لو بعد سنتين أو أكثر
أنصحك تبتدين بملابس البيت (( برمودات ... توت حلوة ... فساتين قصيرة ... ))

البرفيوم مثلا ... طبعا القطع مو السيت الكامل
(( الطقم خليه لمن يقرب زواجك ))
ملابس النوم (( فساتين النوم ... ارواب .. بجايم .. الاند وير ))

و الله يهنيك يا رب
شوفي الأجزاء اللي فاتت مررررره نايس و مفيدة

السلام عليكم
اختى جيجى هاى وانى رأى من رأى حبيبة عصومى وإن شاءالله ربى يسهلك ويباركلك

السلام عليكم
مبروك افتتاح هذا القروب اتمنى لجميع العرائس الاستفادة
انا جديدة في هذا المنتدى ولما نفتح التجمعات القديمة تنفتح معاي اول صفحة بس وباقي الصفحات ما يطلعوا ليش :o:o

تحياتي:)

هلا هلا اشتحشتكم كلكم كلكم انى اسمى فالفيس sano mansour >>> وطبعا انى معاكم من قبل اشتحشتكم

هلا و الله بكل المشتركين ويانا ... الجدد و القدامي

سؤال المخالفة :
بنات من يعرف فين يبيعون فيكتوريا سيكرت برفيوم
في تريبولي اكيد. ؟؟؟؟؟؟؟

مرحبا بيكم هلااااااااااااااااااا مبارك القسم الجديد بس كنكم مكسدين هكي؟؟؟؟؟؟؟؟؟؟؟هيا انديروا جو انا كنت مشتركة بقسم 2009 بس توا خشيت باسم اخر لأنه حسابي الاخر رااااااااااااح الباسوورد متاعي

أهلين يا بنات

انا فرحى قريب ومش عارفا كيف نبداء نجهز انا الكبيرا فى الحوش ومعنديش وخياتى اصغار واجد ومش من النوع الاجتماعى واقاربى مش نفس المدينه ومش عارفا شن اندير لحد توا مخذيت شى ابدا كيف نبداء ساعدونى

بالشوية بالشوية انا زيك بزبط متسمعيش كلام الناس كله تقدري تلحقي عليه انت من أي مدينة وإنشاء الله ربي يسخرلك

اصعب شي لما تحسي انك تبي تبدي ومتعرفيش من وين تبدي
اول شي التنظيم .. جيبي مدكرة واكتبي فيها دعاء حلو ايسرلك امورك وابدي اكتبي اللاوزم اللي بتاخديه مثلا
1 ملابس
2 احذية
3 اكسسوارات وذهب
4 الحمام
5 حسب لو بتاخدي معاك حاجات لدار النوم
6 المطبخ
رتبي اللي بتاخديه بعدها خودي بالحاجه وقسميها تاني مثلا الملابس
1 عبايات
2 فساتين سهرة
3 بدل رسمية
4 لبسات طلعات خفيفة
5 لبس طلوع لو كنتي متلبسيش في الجلابيات لبستين تلاته ولو جلابيات خودي اتنين او ثلاثه ركبيلي اوشحتهم وكندره عملية وشنطة
6 ملابس داخلية ولانجري
8 لبس الحوش....بعدها اتبي الضروري في كل حاجه
مثلا فساتين السهره ....لو عندك قفطان البيان زيدي عليه واحد تاني
وخودي اتنين قصار بسيطات لجو لمات او عزومات
البدل الرسمية كبداية زوز كويسات لو عندك كيف اتزيدي زيدي زوز خودي وحده سواريه ووحده عملية سادا وركبيلها كم صدريه باش تلبسيها متغيره العبايات خودي وحده كبيره مطرزة متع مناسبات ووحده مطرزه خفيف للعزومات الخفيفه ووحده ولا زوز متوسطات للمشيات العاديه
ونفس الشي قسمي اولوياتك ... اني والله توا نكتب مستعجله بس في هلبا قبل تكلمو بالتفصيل عن التجهيزات ..لو ربي سخر توا نطل نكتبلكم قوائم تساعد كان سخر ربي

كيف حالكم صوتى ما انخلق متله وحبيبه عصوم اتفكرتونى والا مزال واتزوجى والا شن صار فيكم